Wednesday, September 14, 2016

ಪದೇ ಪದೇ ಅದೇ ಅದೇ (ಪ್ರೇಮ ಗೀಮಾ ಜಾನೇ ದೋ)

"ಪದೇ ಪದೇ ಅದೇ ಅದೇ" ಹಾಡು melodious & lyrics ಕೂಡ ತುಂಬಾ ಚೆನ್ನಾಗಿದೆ.
Loved the line: "ಜಗಳ ಆಡೋದು ಕೂಡಾ ತಬಲಾ ಜತಿ ನುಡಿದಂತೆ" <3 <3 <3


ಪದೇ ಪದೇ ಅದೇ ಅದೇ ಹಳೇ ಕತೆ ಶುರುವಾಗಿದೆ
ಹೊಸಾ ದಿನ ಹೊಸಾ ಜನ ವಿನೂತನ ಈ ಲೋಕವೇ

ಛಳಿಗಾಲದ ಎಳೆ ಬಿಸಿಲಂತೆ ಇಣುಕುತಿದೆ ಒಲವೊಂದು
ಚಿಗುರುತಿರೋ ವಯಸಿಗೆ ಬೇಕು ಈ ಥರದ ಸುಖವೊಂದು
ಇದೊಂತರಾ ಚರಿಶ್ಮಯಾ
ಅದೇನು ಮೋಡಿ ಪ್ರೀತಿಗಿದೆಯೋ

ನವಿಲು ತೆರೆದಂತೆ ಗರಿಯ ಒಲವಾ ತಾಕಿದ ಹೃದಯ
ಕಾಲ ತುದಿಯಿಂದ ಮುಡಿಗೆ ಮಿಂಚು ಹರಿಯೋ ಹರೆಯ
ಬಯಲೆಲ್ಲ ಹಸಿರಾಗಿ, ಸಿಹಿಯಾಯ್ತು ತಿಳಿ ಗಾಳಿ
ಒಳಗೊಳಗೇ ಕುಣಿದಂತೆ ನನ್ನಾ ಪುಟ್ಟ ಹೃದಯ
ಇದೊಂತರಾ ಅವಿಸ್ಮಯ
ಅದೇನು ಮೋಡಿ ಪ್ರೀತಿಗಿದೆಯೋ

ಯುಗಳ ಒಂದೊಂದು ಮಾತು ಹರಳ ಝರಿ ಸುರಿದಂತೆ
ಜಗಳ ಆಡೋದು ಕೂಡಾ ತಬಲಾ ಜತಿ ನುಡಿದಂತೆ
ನಿನ್ನೊಡನೆ ಒಡನಾಟ, ಕಲಿತಷ್ಟು ಒಳ ನೋಟ
ಹುಡುಗಾಟ ಹುಡುಕಾಟ, ಎಲ್ಲಾ ನಿನ್ನ ಕೊಡುಗೆ
ಇದೊಂತರಾ ಅಗೋಚರ
ಅದೇನು ಮೋಡಿ ಪ್ರೀತಿಗಿದೆಯೋ


Tuesday, September 13, 2016

ಪ್ರೇಮ ಗೀಮಾ ಜಾನೇ ದೋ

ಸಿನಿಮಾ ಶುರುವಾಗುವುದು ಚಿಕ್ಕಮಗಳೂರಿನ ರಮಣೀಯ ದೃಶ್ಯಗಳಿಂದ.
ಸಿನಿಮಾ ನಾಯಕ ಮುಳ್ಳಯ್ಯನ ಗಿರಿಯ ತುದಿಯಿಂದ ಡಾರ್ಜಲಿಂಗ್ ಟೀ ಎಸ್ಟೇಟ್ ಗಳ ಕಡೆ ಯಾಕೆ ಹೋದ?
ಕೃಷ್ಣನ ವೇಷಧಾರಿಯೊಬ್ಬನನ್ನು ಕಂಡ ಕೂಡಲೇ ಅವನಿಗೆ ಯಾಕೆ ಭಯ? ಕಾರ್ತಿಕ್ ಯಾರು? ಪ್ರೀತಮ್ ಯಾರು? ಏನಿದು ಡಿಲೀರಿಯಮ್ ಟ್ರಿಮನ್ಸ್?
ಇಷ್ಟೆಲ್ಲಾ ಪ್ರಶ್ನೆಗಳನ್ನು ಹುಟ್ಟು ಹಾಕಿದರೂ ಸಿನಿಮಾದ ಕೊನೆಯಲ್ಲಿ ಎಲ್ಲವೂ ಸ್ಪಷ್ಟ.

ಸಿನಿಮಾದ ಮೊದಲ ಭಾಗ ಹೊಟ್ಟೆ ತುಂಬಾ ನಗು ತರಿಸಿದರೆ, ಮಧ್ಯಂತರದಲ್ಲಿ ತಿರುವು. ಎರಡನೇ ಭಾಗದಲ್ಲಿ, ತಂದೆ ಪ್ರೀತಿ, ಹುಡುಗಿ ಪ್ರೀತಿ, ದ್ವೇಷ, ಸೇಡು!

ಸಿನಿಮಾ ತುಂಬಾ ಅದ್ಭುತವಾದ ದೃಶ್ಯಗಳಿವೆ. ನಮ್ಮ ದೇಶದಲ್ಲೇ ಇಷ್ಟೆಲ್ಲಾ ಸುಂದರ ಸ್ಥಳಗಳಿರುವಾಗ ಬೇರೆ ದೇಶಗಳಿಗೆ ಯಾಕೆ ಹೋಗಬೇಕು ಎಂದು ಅನಿಸಿದರೆ ಆಶ್ಚರ್ಯವಿಲ್ಲ. ಸಿನಿಮಾ ಟ್ರೈಲರ್ ಇಲ್ಲಿ ನೋಡಿ : https://www.youtube.com/watch?v=yF18sCAsHzg

ಹಾಡುಗಳೂ ತುಂಬಾ ಚೆನ್ನಾಗಿವೆ, ಪದೇ ಪದೇ ಹಾಡನ್ನು ಪದೇ ಪದೇ ಕೇಳಲೇ ಬೇಕು.
ರಾಜೇಶ್ ಕೃಷ್ಣನ್ ದನಿಯಲ್ಲಿ ಅಪರೂಪದಾನಂದ ಕೂಡಾ ಅಷ್ಟೇ ಚೆನ್ನಾಗಿದೆ.
ಕಾಲೇಜು ಹುಡುಗರಿಗೋಸ್ಕರ title song

ಇದು ಹೊಸಬರ ಪ್ರಯತ್ನವಾದರೂ ಸಿನಿಮಾ ಚೆನ್ನಾಗಿ ಮೂಡಿ ಬಂದಿದೆ.
Must watch movie, don't miss it.